好多人問呢個酸菜魚鍋點整…其實又係好簡單~🥳
1. 買條少骨嘅鮮魚…洗淨抹乾上生粉
2. 將兩面煎香至半熟備用 (我起咗魚皮用黎炸脆咗)
3. 將薑、蒜、辣椒、泡椒爆爆佢
4. 落埋半包份量酸菜一齊炒下
5. 再落芽菜、芹菜略炒，加雞湯/水煮滾
6. 放入已煎至半熟嘅魚，落1湯匙米酒
7. 當條魚都熟喇…就落少少鹽同糖調味
8. 最後落少許白醋吊個香味岀黎
9. 加埋芫荽喺面，食完條魚仲可以打邊爐添~😋
🌟唔鐘意原條魚嘅就起肉…不用煎直接後放魚肉就得~
🌟煲得越耐…酸菜味越濃😍